“Баруун бүсийн эрчим хүчний систем” ТӨХК-д 1 кВт цахилгаан эрчим хүчийг 37 төгрөг 55 мөнгөөр худалдан борлуулдаг ба баруун гурван аймгийн цахилгаан эрчим хүчний нийт хэрэглээний 25-28 хувийг жил бүр ханган ажилладаг.

2018 онд Увс аймаг ОХУ-ын хооронд татсан 220 кВ-ын агаарын шугамд гэмтэл гарахад “Дөргөний УЦС” ХХК нь баруун гурван аймгийг нийт 7.6 мВ-ын хүчин чадалтайгаар дангаар авч нэгдүгээр зэрэглэлийг хэрэглэгчдийг цахилгаан эрчим хүчээр хангах ажлыг зохион байгуулан 3 аймгийг хөлдөх эрсдэлээс сэргийлж байлаа. Мөн Ховд аймаг болон баруун гурван аймгийн цахилгаан, эрчим хүч тасарч доголдсон тохиолдолд Дөргөний усан цахилгаан станциас сэлгэн залгалт хийж  цахилгаан эрчим хүчээр тасралтгүй ханган ажилладаг.

“Дөргөний Усан Цахилгаан станц” ХХК-ийн инженер, техникийн ажилчид нь  2014 оноос хойш гидрогенераторуудын их засварын ажлыг бие даан хийж байгаа бөгөөд энэ нь Монгол улсын хэмжээнд усан цахилгаан станцын гидрогенераторын их засварын ажлыг Монгол инженерүүд анх удаа  хийж гүйцэтгэж байгаа тохиолдол юмаа. Засварын ажлыг дотооддоо хийж гүйцэтгэдэг болсноор БНХАУ-аас өндөр үнээр ирж гидрогенераторуудын их засварын ажлыг хийдэг мэргэжилтэнгүүдийг болиулан Эх орондоо олон зуун сая төгрөгийг хэмнэлт гарган ажиллаж байна.

2008-2024 оны байдлаар “Дөргөний усан цахилгаан станц “ ХХК нь нийт 644,150 сая кВт цаг цахилгаан эрчим хүч үйлдвэрлэж 572,178 сая кВт цаг цахилгаан эрчим хүчийг “ББЭХС” ТӨХК-нд нийлүүлэн ажиллсан байна. Жилд дунжаар 40,2 сая кВт цаг цахилгаан эрчим хүч үйлдвэрлэж 35,7 сая кВт цаг цахилгаан эрчим хүч түгээн ажилласан байна.

Энэ хугцаанд нийт 515,320 мянган тн хүлэмжийн хийг бууруулан ажилласан байна. Мөн жил бүр 32207 мянган тн үлэмжийн хийг бууруулж нөхөн сэргээгдэхгүй нөөцийг 30,2 мянган тн нүүрсийг нөөцөлж ажилласан байна.